mandag 19. mars 2012

Historie på veggen.

Historien sit i veggene i gamle hus, blir det ofte sagt.
Det kan så vere, men eg for min del har lyst å ha historie veggen også.
Eg har samla på litt av kvart etter mor og far, som låg stua vekk i esker og posar,
og lurte på kva eg skulle gjere med det.
Det er dumt når det berre ligg der bortgøymd.
Eg tok kontakt med  mi gode venninne Berit som eg veit er ein tusenkunstnar.
Berre sjå her.
Eg hadde ein ide og ho kom med forslag.
Først måtte eg kjøpe inn to djupe rammer på Ikea. 
Eg var så heldig at to av kollegaene mine skulle dit,
så når eg visste akkurat kva eg var på jakt etter handla dei for meg.
Tusen takk :)
Då eg hadde funne fram det meste av det eg skulle bruke tok eg turen til hytta til Berit.


På bilda her ser det ut som om det var eg som gjorde jobben,
men det var Berit som var eksperten.
Først måtte me male bakgrunnen kvit og medan malinga tørka
prøvde me oss fram korleis alle tinga kom best til sin rett.


Her er far sine ting; "amerikaslipset", armbåndsuret, gifteringane 
(den eine nesten avsliten etter etter hardt gardsarbeid, derfor kjøpte han ny), 
eit spel og ei sløyfe. Slipsnåla var sund, men etuiet ho låg i er dekorativt i seg sjølv.
 Far var hobbyfrisør, derfor tok eg med saksa og kammen han brukte. 
Tok også med ein gammal barberkniv og etuiet som høyrer til.
 Lommeboka hadde han laga sjølv. Stempelet og lommeuret er frå farfar.
 Elles tok eg med ei eske "sportskrem", stifter til sveivegramofon og eitpar gamle nøklar.


Eg hadde ikkje så mykje til mor sitt bilde. Smykka hennar hadde me døtrene delt mellom oss, 
men eg fann nå litt eg kunne bruke. Konfirmasjons-testamentet hennar var sjølvsagt. 
Stoffa eg har brukt kjem frå dynetrekk mor hadde sydd, det rosa til store dyner og det blå til barnedyner.
Mor likte å strikka så ei fin gammal strikkebok passa inn.
 Elles har eg tatt med gullklokka, ei porselennål, gifteringen, eit "perle"band 
og ei gammal eske det hadde vore niveakrem i.
Bildet mangla litt så eg festa på litt meir etter at eg kom heim.


Etter at me hadde planlagt korleis me ville ha alt fotograferte Berit forslag
 før ho båra hol i platene slik at ho kunne få festa dei ulike tinga.
Deretter kledde me begge platene med stoffrester som var til overs etter mor sin brudekjole
før me sette alt det andre på plass.


Me jobba frå klokka seks til klokka elleve, berre avbrote av ein liten pause
der Berit baud på kaffi og deilige pannekaker.


Eg var veldig fornøgd med far sitt. Eg hadde litt for lite med til at mor sitt blei heilt perfekt 
så eg suplerte med eitpar bilde og brotet på eit sokkestrikk som låg uferdig etter henne.


I dag er minnerammene komne på veggen, fint synest eg!
Kanskje dette kan vere ein ide for andre som har små minne liggande
som dei gjerne skulle sett på litt oftare :)


Tusen takk til Berit
som spanderte ein heil kveld på arbeidet
utan at ho ville ha ei einaste krone for det :)

12 kommentarer:

Hulda sa...

Dette var jo kjempeflott! Så herlige minnebilder. :) Flott satt sammen. :)

Vform sa...

UNDERBARA minnestavlor!
Vilken skatt att få allt bevarat på det fina sättet!
Så borde vi alla göra med minnen som finns kvar!
Tur att du har en duktig Berit!
Fin vecka till dig!
Kram Vivan

Malys krok sa...

Enig i at dette ble veldig fint! Dere har vært så flinke! Godt å få ha slike dyrebare skatter framme slik at en ser dem!Koselig! Jeg gjorde noe lignende med babytøy for en tid siden. Ha det godt! -Margit-

November- symra sa...

Veldig fine minnerammer. Og veldig fin ide....

Lene sa...

Sikke en god ide, og minderammerne blev rigtig fine :-)

Hilsen Bodil F.T. sa...

Dette var no en kjempegod ide!! Flotte bilder ble det og veldig personlig.

Kjetil Eivind Øvrebø Hamre sa...

Flott resultat og artig ide.

krepsemor sa...

Så fint å ta vare på minnene på denne måten! Og veldig flott arrangert var det også! Lykken er å ha en god og flink venninne!

♥ Gamleheksa ♥ sa...

Supert!! Det ble så flott. Ikke dumt å ha ei venninne som Berit ;) Kan tenke meg det var en koselig dag da dere holdt på.

Mandelhjärta sa...

Fantastisk idè! :)
Så inspirerende!!
En flott måte å ta vare på minner. Det er lett att de blir liggende bortglemte i esker på loft og i kjeller...
Ha en fin kveld!

Spirea sa...

Fantastisk måte å ta vare på gode, gamle minner på! Det der var nokså nytt for meg - så kreativt og fint! Er helt imponert her jeg! Nydelig :)
Takk for alt du deler på denne fine bloggen din - og takk for alt du gir av deg selv. Fin uke ønskes deg videre. klem

Marita sa...

Så koselig! En glimrende idè. Jeg har et titteskap med eiendeler etter mine foreldre, også veldig koselig.